Hoxe, martes, día 10 de Agosto, saíu publicado na web do Concello de Pontevedra o anuncio e bases que rexirán o CONCURSO CON INTERVENCIÓN DE JURADO PARA LA SELECCIÓN DEL ANTEPROYECTO DE REHABILITACIÓN DE ZONA DEGRADADA POR LAS TRASERAS DE LOS EDIFICIOS DE LA MANZANA 135 DE PONTEVEDRA, FRENTE AL SANTUARIO DE LA VIRGEN PEREGRINA.
O fin [...]
O mércores día 21 de Outubro en dobre sesión ás 20:00 h e ás 21:30h proxectaráse, no Teatro Principal, un novo documental de arquitectura , neste caso será o adicado á obra e vida de Charles Correa, baixo o título deVOLUMEN CERO. A duración do documental é de 58′ min. Entrada gratuita e aberta ao público en xeral.
Extracto: Charles Correa é un dos arquitectos contemporáneos máis recoñecidos pola súa adaptación da arquitectura moderna á cultura non occidental, investigando solucións aos problemas do Sur. Formado na Universidade de Michigan e o MIT de Cambridge (USA), ten varios premios internacionais.
A Delegación en Pontevedra do COAG convoca o venres, día 30 de outubro, a todos os seus colexiados á tradicional Cea que como cada ano celébrase con motivo da nosa Patroa, Nosa Señora de Belén.
Será unha oportunidade para reunirnos, dar a benvida a todos os novos colexiados e celebrar cun pequeno acto de homenaxe os 25 e 50 anos de colexiación dos compañeiros máis veteranos.
A cea terá lugar no Pazo da Touza ( Nigrán ), e dará comezo ás 21:30 h. Será servida polo equipo dirixido por Nuria Cervera, xoven chef formada na Cordon Bleu de Paris e antiga colaboradora de Sergi Arola.
O custo será de 55 € por persoa tanto para colexiados como acompañantes, contando cun servicio de autobús ( incluído no prezo ) de ida e de volta. Hora de saída 20:30 h dende a Praza de Galicia e volta programada para as 2:00 h.
Existe a posibilidade de pernoctar nas habitacións das que dispón o Pazo, 6 dobres e 1 suite.
O prezo, especial para os nosos colexiados, é de 75€ + IVA para as habitacións dobres, e de 85€ + IVA para a Suite ( almorzos incluídos nos prezos ).
Para confirmar a asistencia haberá que presentar o xustificante de pago do ingreso antes das 15:00 h do venres 23 de outubro no nº de conta: 0130.3002.47.0100654187 da Caixa Geral de Depósitos.
Así mesmo será imprescindible indicar se se fará uso do servicio de autobús.
Nota: A reserva das habitacións haberá que solicitala por escrito previamente para confirmar a súa dispoñibilidade, outorgándose por rigurosa orde de inscrición. Contacto: coagpontevedra@coag.es
MENÚ
Aperitivos:
Foie con mermelada de cerezas y pan de maíz dulce Tempura de pimiento verde en nidos Tempura de seta shiitake Saquitos de queso provolone y boletus Croquetas de jamón ibérico Mini quiche de pesto, tomate y mozzarella Brocheta de Langostino Romesco
Entrante: Ensalada de langostinos y queso de cabra caramelizado con vinagreta de manzana. Plato: Meloso de Ternera con Puré de patata-oliva y salsa de oporto Postre: Milhoja de almendra con crema de arroz con leche y crepes tibios de piña
Café y Bebidas (copas no incluídas)
O colexiado Manfred Oehri achegounos estas novas fotografías da visita realizada o pasado luns ao Centro de Tecnificación de Vela.
Recordade que o mércores día 7 de Outubro en dobre sesión ás 20:00 h e ás 21:30 h dará comezo o ciclo de documentais de arquitectura organizado pola Delegación e en colaboración co CINE CLUBE Pontevedra e a Fundación Caja de Arquitectos. O primeiro documental será o adicado á obra e vida de Hans Scharoun, baixo o título de ARQUITECTURA IMAXINARIA. A duración do documental é de 65 min. Entrada gratuita e aberta ao público en xeral. Extracto: Scharoun (1893-1972), coñecido polo deseño da Filharmónica de Berlín e a “Casa Schmincke” (1932- 1933) en Löbau, construíu as bases do Funcionalismo. Este documental recapitula a súa vida de arquitecto con exemplos cronolóxicamente seleccionados.
Faro de Vigo - Arousa - 06.10.2009
Arquitectos e urbanistas de toda Galicia celebraron onte o Día Internacional da Arquitectura, escollendo como mellor mostra constructiva as dependencias do Centro Galego de Vela que se atopa no Porto de Vilagarcía.
Deseñado polo arquitecto Alfonso Penela, o inmoble busca a funcionalidade que teñen este tipo de instalacions e trata de acoplarse co mar. O propio Penela exerceu de Cicerone nesta visita, na que participaron integrantes do Colexio Oficial de Arquitectos de Galicia (COAG), entre eles súa presidenta, María José Fariña.
O Día Mundial da Arquitectura celebrase cada primeiro luns de outubro. Nesta ocasión a conmemoración levou como lema “A enerxía dos arquitectos contra a crisis global”, e cos actos programados polo COAG pretendíase fomentar a cultura arquitectónica e o compromiso dos profesionais co urbanismo de calidade.
Tamén se pretende sensibilizar ás institucions e ao sector inmobiliario en xeral sobre a necesidade de protexer un patrimonio edificatorio singular e de especial interese. Ademáis, os actos celebrados onte polo COAG se presentaron como unha oportunidade para coñecer máis de cerca non só as obras máis representativas da arquitectura actual, senón tamén aos arquitectos e proxectistas que as fixeron posibles.
Por esta razón o COAG elixiu este ano o Centro de Tecnificación de Vela, obra de Alfonso Penela, como insignia do Día Mundial da Arquitectura 2009. Este inmoble foi distinguido como “obra seleccionada” na X Bienal de Arquitectura e Urbanismo, e entre outras cousas destaca pola singularidade da súa arquitectura e súa capacidade de integración no entorno portuario onde se sitúa.
O propio Penela, durante a súa intervención, non dubidou en cuestionar o “fenómeno da sostenibilidade”. O concepto deste arquitecto é que a sostenibilidade debe supoñérselle a cada edificio “como a estabilidade, da que ninguén presume porque se lle supon”. Insiste en que o obxetivo do inmoble é dar protagonismo aos barcos , e non dubidou en censurar os deseños arquitectónicos das cidades mariñeiras no último século, nas que se apostou por políticas de recheos e de construccions de baixo nivel “que non saben localizar o punto de encontro entre o mar e a cidade”.
Tamén a alcaldesa de Vilagarcía, Dolores García, quiso destacar a importancia deste edificio, non só arquitectónica, senón tamén o destiño que lle espera. O definiu como un “edificio singular” e apuntou que Vilagarcía está tratando de realizar un urbanismo “respetuoso e integrado co mar”.
O catálogo de O Montiño
O Concello de Vilagarcía agradeceu a presencia dos arquitectos e lles entregou un pequeno regalo: os catálogos da exposición “Alobre, seis intervencions en O Montiño”, para que coñecesen o orixe da cidade.
O Concello decidiu ampliar unha semana máis a mostra escultórica que se poida visitar en O Montiño.
Xa podedes ver unha reportaxe fotográfica das imaxes tomadas onte na visita organizada ao edificio do Centro de Tecnificación de Vela e que contou coa presencia do arquitecto autor da obra, Alfonso Penela , e diversas autoridades como a alcaldesa de Vilagarcia, Dolores Garcia e o Presidente da Autoridade Portuaria, Javier Puertas.
Agradecemos a asistencia de todos os colexiados e demáis persoas que decidiron acompañarnos na celebración do Día Mundial e a pesar das malas condicións metereolóxicas.
As imaxes foron cedidas polo propio webmaster así como polo colexiado Mauro Lomba.
Se eres colexiado e queres aportar imaxes podes envialas a través da dirección webmaster.pontevedra@coag.es
Hoxe celébrase o Día Mundial da Arquitectura.
A delegación de Pontevedra do COAG organiza unha visita guiada para o día de hoxe as 18:00 horas no edificio do Centro de Tecnificación e Escola Municipal de Vela en Vilagarcia.
A asistencia está aberta ao público en xeral.
Sairá un autobús da Praza de Galicia as 17:00 horas.
Se queres confirmar a túa asistencia ou facer uso do autobús podes facelo na seguinte dirección de contacto: webmaster.pontevedra@coag.es ou no tlf 986859158 .
Faro de Vigo - Arousa - 04.10.2009
Vilagarcía acolle mañá os actos organizados polo Colexio Oficial de Arquitectos de Galicia para conmemorar o Día Mundial de Arquitectura. A celebración terá como sé o emblemático Centro de Tecnificación de Vela, un edificio deseñado polo arquitecto vigués Alfonso Penela Fernández e que acaba de alcanzar o recoñecemento de “obra seleccionada” na X Bienal de Arquitectura e Urbanismo.
Arquitectos e urbanistas de toda Galicia e autoridades participarán na conmemoración que terá lugar no propio Centro de Tecnificación de Vela, situado na zona de O Cavadelo do recinto portuario vilagarciano, e que inclue unha visita ás instalacions guiada por Alfonso Penela.
A alcaldesa, Dolores García Giménez, e a presidenta do colexio oficial de Arquitectos de Galicia, María José Fariña, presiden os actos que comezarán ás seis da tarde.
O Día Mundial de Arquitectura se celebra cada 5 de outubro. En esta ocasión, a conmemoración ten como lema “A enerxía dos arquitectos contra a crisis global” e cos actos programados polo Colexio de Arquitectos se pretende fomentar a cultura arquitectónica e o compromiso dos profesionais co urbanismo de calidade. Tamén se pretende sensibilizar ás institucions e ao sector inmobiliario en xeral sobre a necesidade de protexer un patrimonio edificatorio singular e de especial interés.
As actividades programadas polo Colexio de Arquitectos para celebrar o Día Mundial de Arquitectura se presentan como unha oportunidade para coñecer máis de preto, non só as obras máis representativas da arquitectura actual, senón tamén dos arquitectos proxectistas que as fixeron posibles. Por esta razón o Colexio de Arquitectos elixeu este ano o Centro de Tecnificación de Vela, obra de Alfonso Penela, como insignia do Día Mundial da Arquitectura 2009.
Este inmoble foi nomeado, “Obra seleccionada” na X Bienal de Arquitectura e Urbanismo e, entre outras cousas, destaca por la singularidade da súa arquitectura e a súa capacidade de integración no entorno portuario onde se sitúa.
O edificio está constituido por tres plantas: un semisótano, planta baixa e unha planta superior e conta cunha superficie útil de 1.878 metros cadrados. No seu deseño orixinal Alfonso Penela quixo reflexar a influencia do vento, a agua e as velas nunha infraestructura deportiva.
A construción basease nunha cuberta de formigón formando velas extendidas ao vento, cunha estructura de vidro e madeira repartida en tres plantas fronte ao mar.Según o propio arquitecto, “os barcos descansan nun lixeiro plano inclinado para poder facilitar a visión duns sobre outros e escurrirse cara o mar”. Ademáis da orixinalidade do deseño do edificio que se integra no entorno, destaca a súa funcionalidade, un aspecto ao que Alfonso Penela otorga gran importancia á hora de redactar seus proxectos.
O edificio, promovido pola Xunta, a través da Secretaría Xeral para O Deporte, contou cunha inversión dalgo máis de dous millons de euros. As instalacions foron visitadas o xoves polo secretario xeral, Ramón Lete, quen xestiona ante o Consello Superior de Deportes a súa inclusión na rede de centros de especialización de alto rendimento, así como a sede do equipo olímpico de Match Race feminino.
Durante o mes de outubro e co gallo da celebración do Día mundial da Arquitectura , levarase a cabo unha serie de proxeccións de documentais de arquitectura en colaboración co Cine Clube Pontevedra e a Fundación Caixa de Arquitectos.
O programa detallado é o seguinte:
Día 7 ás 20 ho e ás 21:30 h. (dobre sesión) HANS SCHAROUN. Arquitectura imaxinaria. 65′ Lugar: Teatro Principal
Día 21 ás 20 h e ás 21:30 h. (dobre sesión) CHARLES CORREA. Volúmen Cero. 58′ Lugar: Teatro Principal
Día 28 ás 20 h e ás 21:30 h. ( dobre sesión) SIR JOHN SOANE. Arquitecto inglés, legado americano. 62′ Lugar Teatro Principal
Día 29 dende ás 18 h. ás 22:00 h. en Fundación Caixa Galicia. Presentación de cada documental por parte do productor dos mesmos, Gonzalo Herralde.
18:00 h: O MUSEO GUGGENHEIM DE BILBAO de Frank Ghery.
18:40 h. O CENTRO GEORGE POMPIDOU de R. Piagno e R. Rogers
19:20 h. A ESTACIÓN SATOLA´S - TGV DE LYON de Santiago Calatrava
20:00 h. O CONVENTO DA TOURETTE DE EVEUx de Le Corbusier
20:00 h. O AUDITORIUM BUILDING DE CHICAGO de L. Sullivan / D. Adler
21:00 h. O EDIFICIO JOHNSON DE RACINE de Frank Lloyd Wright
Maís información detallada…
HANS SCHAROUN. Arquitectura imaxinaria
Alemaña. 1993 Director:Hartmut Bitomsky.
Colabora no libreto: José Morales.
Scharoun (1893-1972), coñecido polo deseño da Filharmónica de Berlín e a “Casa Schmincke” (1932- 1933) en Löbau, construíu as bases do Funcionalismo. Este documental recapitula a súa vida de arquitecto con exemplos cronoloxicamente seleccionados.
CHARLES CORREA. Volúmen Cero.
India. 2009 Dirección:Arun Kopkar.
Colaboran no libreto: Joseph Rykwert e Anatxu Zabaldeascoa.
Charles Correa é un dos arquitectos contemporáneos máis recoñecidos pola súa adaptación da arquitectura moderna á cultura non occidental, investigando solucións aos problemas do Sur. Formado na Universidade de Michigan e o MIT de Cambridge (USA), ten varios premios internacionais.
SIR JOHN SOANE. Arquitecto inglés, legado americano
USA. 2005 Director: Murray Grigor.
Colabora no libreto: Juan Navarro Baldeweg.
Sir John Soane (1753- 1837), influíu fondamente nunha xeración de arquitectos de América do Norte, como Henry Cobb, Michael Graves, Philip johnson, Richard Meier, Robert Stern, Dense Scout Brown e Robert Venturi. O documental investiga, dun lado, a influencia clásica en Soane, seguindo os pasos de Roma e Sicilia e, por outro, como a súa particular reinterpretación condicionou os arquitectos norteamericanos que se mantiveron alleos aos ditados do Movemento Moderno.
O MUSEO GUGGENHEIM DE BILBAO de FRANK GHERY
Dirección: Julián Donada.
Con presentación e comentarios gravados de Benedetta Tagliabue.
Xa coñecido polas formas deconstruídas, Gehry concibiu o edificio como unha escultura monumental.
O CENTRO GEORGE POMPIDOU de R. Piano e R. Rogers
Dirección: Richard Copans.
Con presentación e comentarios gravados de Jordi Garcés.
Richard Rogers e Renzo Piano, conciben o edificio como un xigante mecánico que destaca na paisaxe arquitectónica de París.
A ESTACIÓN SATOLA´S- TGV DE LYON de Santiago Calatrava
Dirección: Catherine Adda.
Con presentación e comentarios gravados de Fermín Vázquez. É esta unha enorme estrutura de aceiro atravesada polos TGV que circulan a 300 km/ h.
O CONVENTO DA TOURETTE DE EVEUX de Le Corbusier
Dirección: Richard Copans.
Con presentación e comentarios gravados de Helio Piñón.
Un convento para a Orde dos Dominicos, un lugar de estudo, oración e meditación.
O AUDITORIUM BUILDING DE CHICAGO de L. Sullivan/ D.Adler
Dirección: Stan Neumann.
Con presentación e comentarios gravados de Carlos Ferrater.
O conxunto do Auditorio Building comprendía un hotel, despachos, a maior ópera do mundo e unha sala de espectáculos “democrática” e revolucionaria tanto polas dimensións como pola súa acústica.
O EDIFICIO JOHNSON DE RACINE de Frank Lloyd Wright
Dirección: Frédéric Copain.
Con presentación e comentarios gravados de David Ferrer.
Os edificios administrativos da compañía Johnson son unha das obras mestras de Frank Lloyd Wright, un dos máis grandes arquitectos do século XX.
Por un problema detectado no correo proporcionado para confirmar a asistencia aos actos do Día Mundial organizados por esta delegación, se pide aos colexiados que estén interesados en participar volten a enviar o correo de confirmación, dado que non se recibiu notificación algunha.
Podedes facelo na dirección: webmaster.pontevedra@coag.es ou ben chamando por tlf ao 986859158.
Plazo aberto ata o mesmo día do evento.
Desculpade as molestias,
Comisión de Cultura do COAG en Pontevedra
La Voz de Galicia - Pontevedra
